Bioloji Elmlər üzrə təhsil alan tələbələr üçün “Mikrob və Orqanizm arasında münasibətlər” mövzusunda 2010-cu il Yay Tədqiqat İmkanları. Kork Universiteti Kolleci - İrlandiya Elm Fondu UREKA Resurs Mərkəzi.

Mikrobiologiya Departamenti  və Bioloji Elmlər İnstitutunun Alimentar Farmabiotika Mərkəzi tərəfindən təşkil olunmuş UREKA Resurs Mərkəzi 2010-cu ilin iyunun 14-dən sentyabrın 3-dək 12 həftə müddətində  İrlandiyanın Kork Universitetində keçiriləcək 12 tədqiqat mövqeyi təklif edir.

Mövqelər İrlandiyadan və xarici ölkələrdən olan tələbələr üçün açıqdır. Öz təhsillərinin son ilində olan tələbələr müraciət edə bilməzlər. Həftəlik 300 € təqaüd və beynəlxalq tələbələr üçün səfər xərclərinin ödənilməsi təklif edilir. Kork Universitetində tələbələr üçün yaşayış imkanları yaradılacaqdır.

UREKA Resurs Mərkəzinin tədqiqat mövzusu “Mikrob-Sahib orqanizm münasibətləri”dir və bakterial, funqal və virus hüceyrələrinin sahib orqanizmin hüceyrələri ilə qarşılıqlı münasibətlərindən bəhs edən mövzuları əhatə edir. UREKA Mərkəzi elmi karyeranı stimullaşdırmaq üçün digər tədris tədbirləri (seminarlar, sənaye sahələrinə səfərlər) də keçirəcəkdir.

Xüsusi tədqiqat layihələri haqda məlumat almaq və müraciət formasını yükləmək üçün daxil olun: http://ureka.ucc.ie

Müraciətlər üçün son tarix: 1 mart 2010-cu il, Bazar ertəsi 17.00