“Avropa Gənclər Siyasəti kontekstində Cinsi Bərabərlik” Təlim Kursu

27 Fevral, 2010

Şrift ölçüsü:

“Avropa Gənclər Siyasəti kontekstində Cinsi Bərabərlik” Təlim Kursu

Qafqaz Qadınlar Assosiasiyası Avropa Gənclər Fondunun dəstəyi ilə 25 - 29 mart 2010 - cu il tarixlərində, Gəncədə “Avropa Gənclər Siyasəti kontekstində Cinsi Bərabərlik” mövzusunda Təlim Kursu keçirəcəkdir.

Məqsəd və vəzifələr

Kursun məqsədi insan hüquqları təhsili ilə məşğul olan gənclər təşkilatlarının nümayəndələrini “Avropa Gənclər Siyasəti kontekstində Cinsi Bərbərlik” məsələlərini müzakirə etmək və bu sahədə biliklərini artırmaq üçün bir yerə gətirməkdir.

Gənclər təşkilatları liderləri və aktivləri üçün Azərbaycanda cinsi bərabərlik problemlərini müzakirə etmək üçün şərait yaratmaq;
Gənc liderləri qadınların hüquqları haqqında məlumatlandırmaq və qadınların cəmiyyətə inteqrasiyası kontekstində problemlərini müəyyən etmək;
Cinsi bərabərliyə dair Avropa qanunları və təcrübəsi haqqında müzakirələr təşkil etmək;
Cəmiyyətdə cinsi seçimlərinə baxmayaraq, bütün gənclərin bərabər hüquq və imkanlardan istifadəsi üçün gənc liderlər şəbəkəsi yaratmaq;
Gələcək “gender bərabərliyi” mövzusunda layihələr üçün tövsiyələr hazırlamaq.
Təlim müddətində kiçik qrant müsabiqəsinin keçiritmək.

İştirakçıların seçimi (təlim iştirakçıları aşağıdakı meyarlar əsasında seçiləcək)

İnsan hüquqları təhsili sahəsində fəaliyyət göstərən təşkilatının üzvü olmalıdır;
Ayrı-seçkilik, gender bərabərliyi, cəmiyyətdə aktiv iştirak, insan hüquqları mövzusunda fəaliyyət təcrübəsi olmalı;
Tədbirdən qazandığı bilik və bacarıqları digər təşkilatının hədəf qrupu olduğu icmalarda və qruplar arasında paylaşmaq istəyi;
Gələcəkdə insan hüquqları təhsili sahəsində olan fəaliyyətində təlim kursu iştirakçıya yardım etməlidir;
Seçim zamanı gender balansı təmin olunacaq;
Seçim zamanı eyni zamanda Azərbaycanın rayonlarından və Bakıdan olan iştirakçılar arasında balansa saxlanılacaq.

Tədbirin dili və iştirakçıların sayı

Azərbaycan dili. İştirakçıların sayı 20 nəfər olacaq.

Texniki məlumat

Təlim kursu zamanı iştirakçılar təlim yerinə Bakı şəhərindən nəqliyyat ilə təmin olunacaqlar. Eyni zamanda, təlim zamanı iştirakçıların yemək, qalmaq və təlim xərcləri təşkilatçılar tərəfindən qarşılanacaq. İştirakçılara sertifikatlar veriləcək.

Ərizə formasını doldurun və 15 Mart 2010-ci il tarixinə qədər gender_association_caucasus@yahoo.com elektron ünvanına göndərin