Energetika üzrə Bakı Yay Məktəbi Azərbaycan Diplomatik Akademiyasının (ADA) Azərbaycan Dövlət Neft Şirkəti (ARDNŞ) ilə birgə həyata keçirdiyi sertifikatlı proqramdır.

Keçirilmə vaxtı: 3-17 iyul 2010-cu il

Müraciət üçün son tarix: 1 may 2010-cu il

Açıqdır: alimlər, akademiklər və siyasətçilər üçün

Proqram bitdikdən sonra iştirakçılar Azərbaycan Diplomatik Akademiyasının sertifikatı ilə təltif olunacaqlar. Bu proqramın məqsədi qlobal enerji və ekologiya problemlərinin və onların təcrübədə tətbiqinin daha yaxşı anlaşılması və təkmilləşdirilməsi məqsədilə dünyaca məşhur alim, akademik və siyasətçiləri bir araya gətirməkdir.

Proqram haqqında:

2010-cu il Energetika üzrə Bakı Yay Məktəbi energetikanın əsasları, energetika hüququ, energetika iqtisadiyyatı və siyasəti, ətraf mühitə təsir və strateji menecment kimi geniş miqyaslı mövzuları araşdıracaqdır.
Proqramın istiqamətləndiyi xüsusi hədəf Xəzər dənizi Hövzəsi, regional boru kəmərləri şəbəkəsinin inkişafı, Xəzər dənizinin geosiyasi məsələləri, onun hüquqi statusu və ARDNŞ-nin strateji perspektivləridir. Proqram kursu boyunca ətraf mühit problemləri, o cümlədən Gəlir və Resursların İdarəedilməsi də vurğulanacaqdır.
Energetika üzrə Bakı Yay Məktəbi interaktiv formata malikdir və energetika sahəsində olan peşəkarlara bir-birləri ilə qarşılıqlı əlaqədə olmaq və uzunmüddətli münasibətlər qurmaq üçün geniş imkanlar yaradır. Xüsusən də bu ilki Yay Məktəbi Azərbaycandan, eləcə də Xəzərətrafı bölgənin ölkələrindən olan  dövlət və özəl sektorun liderləri ilə görüşmək və qarşılıqlı əlaqədə olmaq imkanları verəcəkdir.

summerschool@ada.edu.az