Hüquqşünas Qadınlar Assosiasiyası 1 yanvar 2009-cu ildən Avropa İttifaqının maliyyə dəstəyi ilə “İnsan alveri qurbanlarına hüquqi yardım” layihəsini həyata keçirir. İnsan alveri ilə mübarizə sahəsində preventiv tədbirlər silsiləsindən növbəti “Təlimçilər üçün Təlim” 27-28 Fevral 2010-cu ildə Bakı şəhərində təşkil olunacaqdır.

Hüquqşünas Qadınlar Assosiasiyası 1 yanvar 2009-cu ildən Avropa İttifaqının maliyyə dəstəyi ilə “İnsan alveri qurbanlarına hüquqi yardım” layihəsini həyata keçirir. Layihənin icra müddəti 2 il olmaqla 3 mühüm istiqaməti əhatə edir: əhalinin  maarifləndirilməsi, insan alveri qurbanlarına pulsuz hüquqi  və mənəvi-psixoloji yardımın göstərilməsi, insan alveri üzrə vəziyyətin müəyyən edilməsi üçün məhkəmə işləri və kütləvi informasiya vasitələrinin monitorinqi, müxtəlif maarifləndirici aksiyalarin, telekanallarda  müzakirələrin təşkil olunması və s. işlər  nəzərdə tutulmuşdur. İki il müddətində davam edəcək layihə öz fəaliyyət dairəsinə təkcə paytaxt Bakını deyil, həmçinin insan alveri hallarının qeydə alındığı bir sıra regionları – Sumqayıt, Mingəçevir, Gəncə, Şəmkir, Tovuz, Xaçmaz, Lənkəran, Şirvanı - da əhatə edir.

İnsan alveri haqqında təşkil olunan maarifləndirmə tədbirlərinin əsas hədəflərindən biri də Bakıda və regionlarda yerləşən universitet və məktəblərdə, uşaq evlərində (uşaqlar insan alverinin potensial qurbanları olduqları üçün), bələdiyyələrdə, icra hakimiyyəti orqanlarında, icmalarda, QHT və media, ictimai fəal əhali qrupları arasında məlumatlandırmanı artırmaqdır.

İnsan alveri ilə mübarizə sahəsində preventiv tədbirlər silsiləsindən növbəti “Təlimçilər üçün Təlim” 27-28 Fevral 2010-cu ildə Bakı şəhərində təşkil olunacaqdır. Məqsəd - yerli təlimçilərin hazırlanması, onların yaşadıqları və işlədikləri yerlərdə  insanlar arasında insan alveri barədə məlumatlandırma səviyyəsinin artırılmasından ibarərdir.

İştirakçıların sonradan təşkil edəcəkləri təlimlərin (1 – 3 təlim) hər biri üçün layihə çərçivəsində nəzərdə tutulmuş material və məvaciblə təmin ediləcəkdir.

“Təlimçilər üçün Təlim” də iştirak etmək istəyən şəxslər ərizə formasını doldurub “Bakı TOT” başlığı ilə Türkay Qasımlının (turkayqasimli@yahoo.com; mob: 055 852 1918) elektron ünvanına göndərə bilərlər.

Seçim zamanı əvvəlki təlimçilik təcürbəsi, mövzuya dair məlumatlılıq, insan alveri ilə mübarizə sahəsində işləmək həvəsi olan namizədlərə üstünlük vüriləcək. 

Ərizələrin qəbulu üçün son tarix: 21 Fevral  2010-cu ildir

Qeyd:

Yalnız seçilmiş namizədlərlə əlaqə saxlanılacaq.

Seçilmiş namizədlərə tədbirin yeri və vaxtı barədə 23 Fevral 2010-cu ildə əlavə məlumat veriləcəkdir.