Getting Involved! - Azərbaycan, Ermənistan və Gürcüstandan olan gəncləri bu proqramda iştirak etməyə dəvət edir.

Proqram müddətində iştirakçılar Gürcüstanda keçiriləcək 3 seminarda iştirak edəcəkdir. Seçilmiş iştirakçılar 2010-cu il mart ayında 8 günlük Layihə İnkişafı Seminarından başlamaqla bir sıra seminarlarda iştirak edəcəklər. Müraciət üçün son tarix 2010-cu il fevralın 19-dur

Proqrama kimlər müraciət edə bilər?

Getting Involved! Proqramına müraciət etmək istəyənlər:

> 18-22 yaş arası olmalı;

> Azərbaycan, Gürcüstan və ya Ermənistanda yaşamalı;

> İngilis dilini bilməli (mükəmməl yazılı və şifahi);

> Öz cəmiyyətinin inkişafında ixtisaslaşmalı;

> Azərbaycan, Ermənistan və Gürcüstandan olan həmfikirləri ilə görüş və birgə çalışmaqda maraqlı olmalıdır.

Proqram nə təklif edir?

Seçilmiş iştirakçılar 2010-cu il mart ayında 8 günlük Layihə İnkişafı Seminarından başlamaqla bir sıra seminarlarda iştirak edəcəklər. Seminarın gedişatı boyu iştirakçılar öz könüllü layihə ideyaları və ya fəaliyyətləri üçün, yaxud da beynəlxalq layihələrin inkişafı məqsədilə digər iştirakçıların ideyaları üçün layihə konseptləri yazacaqlar. Ən yaxşı layihələr Getting Involved! tərəfindən maliyyələşdiriləcəkdir. Layihənin həyata keçirilməsi müddətində iştirakçılar 2010-cu ilin may ayında 5 günlük Layihə İnkişafı Seminarında və 2010-cu ilin dekabrında 5 günlük Qiymətləndirmə Seminarında iştirak edəcəklər.

Seminar harada keçiriləcək?

Seminarların hər üçü Gürcüstanda keçiriləcəkdir.

Xərclər kim tərəfindən ödənilir?

Qidalanma və yaşayış yeri təlim təşkilatçıları tərəfindən təmin ediləcəkdir. Səfər bileti təqdim edildikdən sonra səyahət xərclərinin əvəzi ödəniləcəkdir.

Müraciət üçün son tarix nə zamandır?

Müraciət üçün son tarix 2010-cu il fevralın 19-dur. Yalnız qısa siyahıya daxil ediləcək namizədlərlə mart ayının əvvəlində ingilis dili biliklərinin təsdiqlənməsi məqsədilə əlaqə saxlanılacaqdır. Son qərarlar 2010-cu ilin mart ayının 8-də elan ediləcəkdir.

Proqramda iştirak etmək üçün necə müraciət etmək olar?

Azərbaycanda, lhuseynova@epfound.az electron ünvanı vasitəsilə Lalə Hüseynovaya, və ya sənədlərlə: Avrasiya Əməkdaslıq Fondu C. Cabbarlı küç. 44 Caspian Plaza, 6-cı mərtəbə 1065 ünvanına müraciət edə bilərsiniz.

Tel: +994 12 437 29 4/41/42/43 Fax: +994 12 437 29 44