Azərbaycan Respublikasını n Gənclər və İdman Nazirliyi və Azərbaycan Respublikasını n Fotoqraflar Birliyi «Avropa Ümumi İrs» layihəsi çərçivəsində gənclər arasında «Mənim doğma Vətənim» mövzusunda foto-müsabiqə keçirir.

Müsabiqədə 16- 24 yaş həddində olan gənclər iştirak edə bilərlər.

Müsabiqədə  iştirak etmək istəyən gənclər aşağıdakı sənədləri Təşkilat Komitəsinə  təqdim etməlidirlər:

-   şəxsiyyət vəsiqəsinin surəti;

-   Azərbaycanın mədəni irsini, tarixi abidələrini, milli-mənəvi dəyərlərini, təbii irs yerlərini əks etdirən rəngli və ya ağ-qara rəngdə foto şəkillərin elektron versiyası (CD ya DVD formatında). Müəllif haqqında informasiya( adı,soyadı, yaş) əlavə olunmalıdır.

Hər bir qalib Gənclər və İdman Nazirliyinin və Azərbaycan Respublikasını n Fotoqraflar Birliyinin təsis etdiyi fəxri diplomlar və qiymətli hədiyyələrlə  təltif edilir. Eyni zamanda qaliblər Avropa Şurası tərəfindən təsis edilən diplomlarla təltif ediləcəkdir. Qalib gəlmiş fotoşəkillər Beynəlxalq İrs Fotoqrafiya Təcrübəsi  Müsabiqəsinin ümumi kataloqunda nəşr olunacaqdır.

Fotolar Nazirliyin Yaradıcı gənclərlə iş və asudə vaxtın təşkili sektorunda qəbul olunur. (Ünvan: Olimpiya küçəsi 4, Nazirliyin inzibati binası II mərtəbə, 210 otağ, Əlaqə telefonu: 070 329 08 26)