2009-cu ildə Gənclər və İdman Nazirliyi tərəfindən gənclər təşkilatlarına göstərilmiş dövlət dəstəyi haqqında məlumat. 2009-cu ildə dövlət gənclər siyasətinin 65 gənclər təşkilatının 95 layihəsinin maliyyələşdirilməsi üçün dövlət büdcəsindən 1.341.957,32 manat məbləğində maliyyə vəsaiti xərclənmişdir.

 “Gənclər siyasəti haqqında” Azərbaycan Respublikası Qanununun 10-cu maddəsinin (Gənclər təşkilatlarına dövlət yardımı), Azərbaycan Respublikasının Prezidenti cənab İlham Əliyevin 30 avqust 2005-ci il tarixli Sərəncamı ilə təsdiq olunmuş «Azərbaycan Gəncliyi Dövlət Proqramı» (2005-2009-cu illər)nın 6-cı fəslinin 6.10 bəndinin (Ölkənin ictimai-siyasi həyatında gənclərin fəal iştirakı üçün şəraitin yaradılması. Uşaq və gənclər təşkilatlarına dövlət yardımı), Gənclər və İdman Nazirliyinin kollegiyasının «Gənclərin qeyri-hökumət təşkilatları tərəfindən gənclər siyasətinin əsas istiqamətlərinə uyğun olaraq hazırlanmış layihələrin qismən maliyyələşdirilməsi haqqında» qərarının icralarının təmin olunması məqsədilə 2009-cu ildə dövlət gənclər siyasətinin aşağıdakı istiqamətləri üzrə 65 gənclər təşkilatının 95 layihəsinin maliyyələşdirilməsi üçün dövlət büdcəsindən 1.341.957,32 manat  məbləğində maliyyə vəsaiti xərclənmişdir. 

 - gənclərin vətənpərvərlik tərbiyəsinin gücləndirilməsi;

 - gənclərin sahibkarlıq fəaliyyətinin inkişafı və məşğulluğunun təmin edilməsi;

- gənclərin asudə vaxtının səmərəli təşkilinin təmin edilməsi;

- gənclərin beynəlxalq əməkdaşlığının və mübadiləsinin genişləndirilməsi;

- bələdiyyə seçkilərində gənclərin fəal iştirakının təmin edilməsi;

- gənclər sahəsi üzrə qeyri-formal təhsil proqramlarının yaradılması;

 - gənclərin intellektual inkişafının təmin edilməsi;

 - gənclərlə bağlı qanunvericiliyin təkmilləşdirilməsi.                 

Mys.gov.az