2010 cu ilin BMT tərəfindən Beynəlxalq Gənclər İli elan edilməsilə dünyanın hər yerindən olan gənclərin vacib aktual məsələlərini müzakirə və həll etmək üçün Meksikada Dünya Gənclər Konfransı təşkil olunur.

Konfrans dünyanın müxtəlif yerlərindən olan gəncləri hökümət nümayəndələri, Qanunvericilər və vətəndaş cəmiyyəti üzvlərilə söhbətlər aparmaq və təkliflər irəli sürmək məqsədilə bir araya gətirəcək. Dialoqda beynəlxalq aləmin qlobal əhəmiyyətli məsələlərinin həlli yolları axtarılacaq. Konfransın 2010 cu il avqustun 23-27 də Monterre, Nuevo- Leon, Meksikada keçirilməsi planlaşdırılır.

Konfransın əsas məqsədi “Millenium məqsədlərindən kənar, gənclərlə bağlı beynəlxalq aləmin gündəliyinə daxil edilmiş məsələlərin həllində prioritet fəaliyyət istiqamətlərini aşkara çıxarmaqdır. Bu forum ölkələr və gənclər siyasətilə məşğul olan ictimai xadimlər arasında əməkdaşlıq əlaqələrinin güclənməsinə təkan verəcək. Forum xüsusilə bu ilin sentyabrında BMT-nin Baş Assambleyasının gənclik və inkişaf siyasətində prioritet fəaliyyət istiqamətlərini müəyyənləşdirən LXV sessiyası vaxtı irəli sürüləcək hökümət Bəyannaməsinə görə aşağıdakı məsələlərdə konsensusa nail olacaq: BMT nin gənclərlə bağlı gündəliyini izləyən mexanizm işləyib hazırlamaq; qlobal miqyasda gənclərin ehtiyaclarına diqqət yetirən təşkilatlar və hökümətlər arasında dialoq yaratmaq; gənclər və inkişaf məsələlərində siyasət, strategiya və proqramlarla bağlı təcrübə və bilikləri bölüşmək.

Konfransın üç əsas komponenti var:

. Hökümət forumları

. Sosial forum

. Qanunvericilərin forumu   

Qlobal şəhərciklə birgə QHT-nin Qlobal yığıncağının da daxil olduğu sosial forum vətəndaş cəmiyyəti proqramının ən vacib hissəsidir və QHT nümayəndələri forumda iştirak üçün müraciət edə bilər.

Konfransın təşkilatçıları seçilmiş iştirakçıların bütün yol və yaşayış xərclərini ödəyəcək.

Müraciət üçün son müddət 2010 cu il aprelin 30-dur. Ətraflı məlumat üçün link nə daxil olun.