QANUNVERICILIK ORQANLARINDA İXTISASARTIRMA PROQRAMI

06.02.2012  |   Baxış sayı: 428

Qanunvericilik Orqanlarında İxtisasartırma Proqramı (The Legislative Fellows Program (LFP)) ABŞ Dövlət Departamentinin Təhsil və Mədəniyyət Məsələləri üzrə Bürosu tərəfindən maliyyələşdirilir. Gürcüstan, Rusiya, Ermənistan, Moldova, Ukrayna və Azərbaycanda proqram Beynəlxalq Təhsil üzrə Amerika Şurası tərəfindən həyata keçirilir.

LFP Proqramının məqsədləri: ABŞ-da qanunvericilik prosesinin daha yaxşı başa düşülməsi; vətəndaş cəmiyyətinin rolu və onun siyasi proseslərdə iştirakının əhəmiyyətinin artırılması; ABŞ və xarici qurumlar arasında əlaqələrin yaradılması; ortaq problem və məsələlərin real həlli yolları üçün ortaq dilin tapılması.

Mühüm Faktlar: Azərbaycanlı namizədlər 2011-2012-ci ilin proqramında iştirak etmək üçün müsabiqə yolu ilə seçiləcəklər. Maraqlanan namizədlər https://ais.americancouncils.org saytına daxil olaraq onlayn ərizə formasını doldurmalıdırlar. Yarımfinalçıların seçimi ərizələrin əsasında aparılacaq və daha sonra Amerika Şurasının Bakı ofisində müsahibələr keçiriləcəkdir. Finalçıların yekun seçimi Amerika Şurasının Vaşinqton ofisində yaradılmış müstəqil komitə üzvləri tərəfindən aparılacaqdır.

ABŞ-a gəldikdən sonra proqram iştirakçılarını ABŞ-dakı siyasi proseslər ilə tanış etmək üçün 3 günlük intensiv görüşlər keçiriləcəkdir. İştirakçılar daha sonra federal hökumətin və ştatların qanunverici və icraedici orqanlarında, bələdiyyələrdə və qeyri-hökumət təşkilatlarında 4-5 həftəlik uzun müddətli təcrübə keçərək hökumət orqanlarının gündəlik fəaliyyəti, hökümət nəzarətinin həyata keçirilməsi və vətəndaş iştirakı kimi məsələlər ilə yaxından tanış olacaqlar. Proqramın sonunda Dövlət Departamenti tərəfindən Vaşinqtonda təşkil olunacaq yekun konfransda iştirakçılar dünyanın müxtəlif ölkələrindən gələn mütəxəssislərlə görüşmək imkanına malik olacaqlar. Ətraflı məlumat üçün http://lfp.americancouncils.org/ internet səhifəsinə baxın.

QANUNVERICILIK ORQANLARINDA İXTISASARTIRMA PROQRAMI

Aşağıda sadalanan meyarlara uyğun gələn hər bir namizəd proqramda iştirak edə bilər:

• Ərizə verilən zaman 25-35 yaş arası, Azərbaycan vətəndaşı olmalı;

• Universitet məzunu olmalı (bakalavr və ya daha yüksək ixtisas və ya elmi dərəcəyə malik olmalı);

• İngilis dilini bilməli (kağız üzərində olan TOEFL imtahanından 500, İBT-61 və ya onun ekvivalenti - məsələn, Universitet səviyyəsində ingilis dilində aparılan proqram məzunu olmalı, və yaxud İELTS 6 və ya daha yüksək nəticə təqdim etməlidir). Əgər yarımfinalçı bu nəticələrdən heç birini təqdim etməzsə, namizəddən „institusional" TOEFL imtahanı götürüləcəkdir;

• Müvafiq sahədə təcrübəyə malik olmalı və dövlət sektorunda iş fəaliyyətini davam etdirmək niyyətində olmalı;

• Liderlik və əməkdaşlıq bacarıqlarını nümayiş etdirmiş olmalı.

Mühüm tarix:

Payız mövsümü üzrə LFP Proqramına müraciət üçün son tarix: 18 Mart, 2011

Əlavə məlumat üçün bizimlə əlaqə saxlayın:

Beynəlxalq Təhsil üzrə Amerika Şurası

Azərbaycan Respublikası, Bakı şəhəri AZ1065, C. Cabbarlı küç. 40, 2-ci mərtəbə

Tel./Faks: +994124367529/30/31; Mob.: +994519963462

E-poçt: Bu email ünvanı spambotlardan qorunur. Onu görmək üçün JavaScripti qoşmaq lazımdır. ; http://lfp.americancouncils.org/ Nailə Nəbiyeva LFP Program Rəhbəri

Paylashmaq