ABŞ höküməti və Beynəlxalq Təhsil (ACTR/ACCELS) üçün Amerikan Konsulluğu JFDP 2011 üçün müsabiqə elan edir. Maraqlananlar ərizələrini humanitar və sosial elmlər üzrə təqdim edə bilərlər.

Ərizələrin son təqdim edilmə tarixi: 09 İyul, 2010

ABŞ hökuməti və Beynəlxalq Təhsil üzrə Amerika Şurası (ACCELS) 2011-ci ilin yaz semesterində başlayacaq Gənc Müəllimlərin İnkişafı Proqramı (JFDP) üçün açıq müsabiqə elan edir. Bu proqram müəllimlərin tədris prosesi və dərs metodologiyasına dair biliklərini təkmilləşdirməkdir. Proqram iştirakçıları ABŞ universitetlərinin müəllimləri ilə sıx əməkdaşlıq şəraitində ixtisaslaşdığı sahələr üzrə alternativ istiqamətləri araşdırır, doğma təhsil ocaqlarında tədris etdikləri fənlər üzrə yeni materiallar və mənbələr əldə edir, universitetlərarası əlaqələr yaratmaq və inkişaf etdirmək imkanları qazanırlar.  Social və humanitar sahədə çalışan müəllimlər müraciət edə bilərlər.

Proqramda iştirak etmək istəyən namizəd aşağıda qeyd olunan tələblərə cavab verməlidir:

• Azərbaycan vətəndaşı olmalı və hal-hazırda Azərbaycanda yaşamalı və işləməlidir;
• ərizə verilən zaman ali təhsil müəssisəsində tam ştat müəllim vəzifəsində çalışmalı və universitet müəllimi kimi ən azı 2 (iki) illik təcrübəyə malik olmalıdır;
• Yazılı və şifahi ingilis dilini mükəmməl bilməlidir (ingilis dilində müsahibədə iştirak etməyi bacarmalıdır).

Seçildiyi təqdirdə proqram iştirakçısı 5 (beş) ay müddətində (yanvar-may aylarında) ABŞ universitetlərindən birində təcrübə keçəcək.

Ərizəni necə təqdim etməli:

Ərizələr Beynəlxalq Təhsil üzrə Amerika Şurasının yerli ofisinə təqdim edilməlidir. Ərizə formasını http://www.jfdp.org/f_apply.php veb səhifəsindən əldə edə bilərsiniz.

Ərizə sənədləri aşağıdakı sənədlərin 1 (bir) orijinal və 2 (iki) surətindən ibarətdir:

• Doldurulmuş ərizə forması;
• Məqsədinizi və planlarınızı ifadə edən inşa (ingilis və Azərbaycan dillərində);
• 2 (iki) ədəd tövsiyə məktubu (məktub ana dilində yazılmışsa ingilis dilində tərcüməsi də əlavə edilməli);
• CV (tərcümeyi-hal): yalnız ingilis dilində;
• ərizəyə əlavə edimiş şəkliniz (son zamanlarda çəkilmiş);
• Əmək kitabşasının surəti;
• Işlədiyiniz kafedradan illik dərs yükünüzü göstərən sənəd.

Ərizələrin son qəbul edilmə tarixi  9 iyul, 2010-cu il tarixidir.

Əlavə məlumat üçün Beynəlxalq Təhsil üzrə Amerika Şurasının yerli ofisinə: ACTR/ACCELS müraciət edin.
Caspian Plaza III, 44 C.Cabbarlı küç., 6-cı mərtəbə. Bakı, Azərbaycan, AZ1065.
Tel/Fax: +994.12.436.7529/30/31
Mob.: +994.50.225.8178.

Email: jfdpbaku@americancouncils.az

www.americancouncils.az