2010-cu ildən etibarən Azərbaycan Tələbələr Birliyi Beynəlxalq Tələbə Təşkilatı olan İAESTE-yə üzv olmuşdur. Artıq bu ildən Azərbaycan da beynəlxalq tələbə mübadiləsində iştirak şansı qazandığından tələbələrimiz dünyanın müxtəlif ölkələrində təcrübə keçmək imkanı qazanıblar.

Əgər, SƏN ........

İxtisasına uyğun təcrübə əldə etmək;

Beynəlxalq sertifikat əldə etmək;

Yay tətilini xarici ölkədə keçirtmək;

Təcrübə ərzində olduğun ölkəni sosial proqram vasitəsilə gəzmək və tanımaq;

Yeni dostlar qazanmaq istəyirsənsə bu mübadilə proqramı məhz sənin üçündür!!!!!!

Mübadilə proqramı 2 hissədən ibarətdir.

-          Həftənin 5 günü ixtisasa uyğun olaraq təqdim edilmiş hər hansı şirkət, təşkilat və ya qurumda təcrübə;

-          Həftəsonları getdiyiniz ölkədə fəaliyyət göstərən İAESTE tərəfindən təşkil olunacaq sosial proqram - bu proqram vasitəsilə beynəlxalq və yerli tələbələrlə birgə ölkənin mədəniyyəti, incəsənəti, tarixi və təbiəti ilə yaxından tanış olmaq imkanı əldə edəcəksiniz.

Sizlərə 2010-cu ilin yay ayları üçün olan təcrübə təkliflərini təqdim etmək istərdik:

 Təcrübə keçiriləcək ölkə - Şəhər - İxtisas - Fəaliyyət istiqaməti - Təcrübənin davam etmə müddəti

 - Türkiyə - İstanbul - Maliyyə- Maliyyə və mühasibət işi- 6-8 həftə

 -  Türkiyə- İstanbul - Memarlıq (dizayn) - Dizayn köməkçis- 6-8 həftə

  - Çin- Şanxay - Menecment - İAESTE-nin Çin ofisində təcrübə proqramı- 12-16 həftə

 -  Almaniya- Darmstadt - İnformasiya texnologiyaları (İT) - Kompyuter proqramları üzərində təcrübə- 8 həftə

Əgər, SƏN yuxarıda sadalanan ixtisaslarda təhsil alırsansa və təcrübə keçmək istəyin varsa 25.02.2010 tarixinəcən öz CV-ni, istək məktubunu, təcrübə keçmək istədiyin ölkəni və ixtisası yazıb  iaeste@inbox.az-a göndərməlisən.

ELAN:

İAESTE, təcrübə mübadiləsi və şərtlər barəsində ətraflı məlumat əldə etmək, Sizi maraqlandıran suallara cavab tapmaq istəyirsinizsə 13 fevral 2010-cu il  tarixində saat 11.30-da Gənclərin Fəaliyyətinə Dəstək Mərkəzinə gələ bilərsiniz. Mərkəzdə İAESTE barədə seminar təşkil olunacaqdır. Seminarda iştirakınızın təsdiq olunması vacibdir. Təsdiq üçün iaeste@inbox.az-a (subject: SEMİNAR) adınızı və  soyadınızı yazıb göndərməyiniz lazımdır. Seminarda ixtisasından asılı olmayaraq hər bir tələbə iştirak edə bilər.